Psa 128 | HMO | STEP | Lohiabada dekenai idia gari noho taudia ibounai be namo, badina iena dala dekenai idia raka noho.

Psalms 128

Lohiabada kamonai henia kara ena davana namona

1 Lohiabada dekenai idia gari noho taudia ibounai be namo,
badina iena dala dekenai idia raka noho.

2 Oiemu gaukara ena davana do oi davaria.
Do oi moale, bona oiemu noho do ia namo.
3 Oiemu ruma dekenai oiemu adavana,
be vain auna mai ena huahua momo bamona.
Oiemu natuna memero be olive au matamatadia bamona,
oiemu aniani patana do idia helai hagegea noho.
4 Momokani, tau ta bema Lohiabada ia kamonai henia neganai,
ia ese hanamoa inai bamona do ia davaria.

5 Siona dekena amo Lohiabada ese oi do ia hanamoa!
Bona oiemu mauri dinadia ibounai lalonai, do oi itaia,
Ierusalema ena noho be namo herea.
6 Lau ura oiemu mauri dinadia be momo,
vadaeni oiemu tubuna do oi itadia!

Israela dekenai maino ia noho, be namo!